Skip to main content

Nyamara isuzume ko Uri umukristo.

Nyamara isuzume ko Uri umukristo.


Amahoro ya Data uri mw'ijuru abane n'umutima wawe, wowe ufashe umwanya wawe ugasoma ubu butumwa bwongera kutwibutsa imwe mumico no mumyifatire uwakiriye Kristo Yesu nk'umwami n'umukiza w'ubuzima bwe yari akwirikiye kwitondera hato bitamuviramo kugwa no gutakaza isura y'Imana cyangwa bikamuviramo gutukisha izina rya Kristo yaduhaye igihe twamwakiraga.

Bene data, nanditse aya magambo mfite agahinda m'umutima wanjye maze kubona ukuntu twe twiyita abakristo cyangwa abakijijwe tutacyera imbuto z'umwuka wera (Abagalatiya 5: 22-23, nk' urukundo, ibyishimo, amahoro, kwihangana, kugira neza, ingeso nziza, gukiranuka, kugwa neza no kwirinda) kubera kwemera kwanduzwa n'isi, isi izarangira ikarangirana n'ibyayo byose. 

Ni iki kigutera kwifata uko utari? Ese koko wakiriye Kristo Yesu m'ubuzima bwawe? Hari ubwo yagusabye kugira nabi?, kubeshya?, kwiba?, gusambana?, gusinda?, kwizamura?, kwishakira icyubahiro?, gutukana?, Kuroga?,kubabazanya?, kubuza abandi amahoro?, kurakara?, gutongana?, ishyari?, gusebanya?, kurwana?, kuvuga nabi n'amagambo y'ubugoryi nibindi nawe uzi ukorera mumwijima cyangwa ukora uziko atari byo? koko? ko atwigisha urukundo no guca bugufi! kuki kumwumvira byatugoye? 
Birababaje cyane ko isi turimo twamaze guha satani inzira yo kwijira mubuzima bwacu tugasa nkabibagiwe ko tubereyeho guhesha Imana icyubahiro akwiriye, tubana nabandi bose amahoro, twita kubakene, dutinya icyaha ntagukorera abami babiri, ahubwo dukorera ijuru. 

Ni ahaginda gakomeye kumva umukristo ariwe abantu bafatiraho urugero ngo "maze ngo yarakijijwe' bati ese byamumariye iki? bikanatuma n'abandi bitwa abakristo bafatwa ukundi batari. Ni ukuri dukwiririye kwisubiraho, tukareba koko ko Udukoresha ari Kristo. Ni turebere k'umbuto twera ko zituma izina twahawe ridatukwa. Ntacyo bimaze kwitwa ko wakijijwe kandi imbuto werera abandi aho gutuma bamenya Imana bahabwa imabaraga zo gukomeza icyaha kuko nta mbuto ubereye ituma bashaka gukurikira Kristo. Twitonde.

Ugasanga umukristo yiyambika isura y'intama kandi muriwe hagurumana ubugome, gushinja abandi ibyo badakora, ubusinzi, ubusambanyi, urwango, intonganya z'urudaca, kubeshya kubera guhakirwa ibintu by'isi bigatuma ushaka habaho kwirema ibice. Ni ukuri birababaje.

Erega urufatiro rw'Uwiteka ruracya hagaze, Uwiteka azi abe, nyamara niba wiyita, ukumva ko Uri uwa Kristo ushatse wagenza nka Kristo ugaca bugufi ukirinda ibituma Kristo atukwa kubera ingeso zawe mbi wihishamo kuko n'udaharanira gukiranuka, uzaba warahisemo inzira y'amaherezo yawe n'umara kuva mw'isi. Twisuzume, dusabe Imana kuturondora, kutwereka inzira z'ibibi turimo maze tumusabe kudufata ukobo, adukomeze maze adushoreze munzira ze iteka ryose tubereho kumuhesha icyubahiro twizeye ko na  nyuma y'ubu buzima azaza kutujyana aho yaduteguriye tukabana nawe iteka ryose. Amen.






Comments

  1. Viviane Umuhire18 November 2017 at 02:17

    Allelua! Uwiteka atwishimire kandi ahire umurimo wintoki zacu! Nukuri twarazwe agakiza tukaba uyobora abandi kugakiza niba turi ibyapa ese twaba tuyobora abntu inzira ijyahe? Ese ntitwaba tubayobora abandi mukurimbuka.Uwiteka adufashe tube abayobora kugakiza .IMANA yamahoro itwishimire . amen 2timoteyo 3:16-17.

    ReplyDelete
  2. Mapendo Jules Mindje18 November 2017 at 04:13

    Amen. Uwiteka akwishimire Viviane. Nibyo kuko iyo dufite Kristo Yesu, tuba dufite byose. Kugira Kristo Yesu uba urazwe kamere y'Imana yayindi igushoreza mugukora ibyiza gusa kandi uri mukuri, kuki Kristo ari we kuri. Ibi bigaragarira mu mbuto twera bityo bigatuma abo tuyobor a, abatureberaaho bamenya Imana biduturutseho. Inzira ntayindi ni kuri Kristo (Yohana 14:6) kuko uwamusanze wese akamukurikira yahawe ubugingo buhoraho kuko ni nawe bugingo.

    ReplyDelete

Post a Comment

Popular posts from this blog

Inyungu zo kuba muri Kristo/Kwiyegurira Imana

Inyungu zo kuba muri Kristo Kuberako ntanakimwe ushiramo umwete ngo ubure inyungu, ni kimwe nko gukurikira Yesu. Hari icyo bigusaba, hari umwete ugomba kugira, hari ubushake, hari ukwiyemeza kugirango ukurikire Yesu. Ibi nibyo twita ikiguzi (nka investment) kugirango ubone inyungu zo kuba uri muri Kristo. Kuberako udahita ubona izo nyungu ako kanya, ubanza kwiyanga no kwikorera umusaraba wawe iminsi yose. Kuko ibi bisa nkibitoroshye, iyo wiyemeje ugatera intambwe ugasanga Kristo, utangira kubona Inyungu z'intambwe wateye. Inyungu  Ugira ijwi ryongorera Umutima wawe ukamenya igikwiriye. Nkubwije ukuri ko ijwi rizakongorera rikubwire ko ibyo ugiye gukora ari byiza cyangwa bibi. Uzumva hari ijwi rikubuza cyangwa rikwemerera gukora icyo ushaka gukora. Humura, iri jwi, iyo wiyemeje Kwiyegurira Imana wese umenya niba ari irya satani cyangwa iry'Imana.  Irya satani rirakoshya, rikakwereka ko ntakibazo udakoze icyo kintu kiza wakagombye gukora.  Ubona u...
1 comment
Read more

Ni Gute wa Kwihana ibyaha ukizera ko ubabariwe

Ni Gute wa Kwihana ibyaha ukizera ko ubabariwe Mbere yuko tuganira uko wakwihana ibyaha, reka tubanze tumenye icyo Bibiliya ivuga kucyaha. Icyaha Icyaha n'ukwanga gushira mubikorwa amategeko y'Imana, cyangwa ikintu cyose ukora kidakurikije imigambi y'Imana. Ni ukuvuga gukora ikintu nkuko wowe ubishaka. Ijambo ry'Imana riratubwira muri 1 samweli 15:23-24 ngo [23]Kuko ubugome busa n'icyaha cy'uburozi, kandi n'udakurwa ku ijambo asa n'uramya ibishushanyo na Terafimu. Ubwo wanze ijambo ry'Uwiteka , na we yanze ko uba ku ngoma.” [24]Sawuli abwira Samweli ati “Naracumuye ubwo nishe itegeko ry'Uwiteka n'amagambo yawe, kuko natinye abantu nkabumvira.   Icyaha ni ukwanga ijambo ry'Uwiteka . Ese iri jambo ni irihe? Bibiliya iduha amahame n' inzira tugomba kugenderamo. Iyo wanze kumvira icyo aya magambo akubwira, ugakora ugushaka kwawe uba ukoze icyaha. Ese iyo witandukanije n'ibyo Imana ishaka ugakora ibyawe...
Post a Comment
Read more

Icyo bisaba Gukurikira Yesu

Icyo bisaba Gukurikira Yesu Twumvishe kenshi ko inzira z'uwiteka ari inzira zifunganye Mt 7:13-14 [13]“Munyure mu irembo rifunganye, kuko irembo ari rigari, n'inzira ijyana abantu kurimbuka ari nini, kandi abayinyuramo ni benshi. [14]Ariko irembo rifunganye, n'inzira ijya mu bugingo iraruhije, kandi abayinyuramo ni bake. Ese uku gufungana bivuga iki? Hari byinshi twiberamo by'iyi si bisa nkibituryohera tubonako kubireka bitatworoheye. Benshi usanga bari mubusambanyi, mubusinzi, kubeshya kugira ngo babeho, kwiba kugirango babone amaramuko nibindi twirirwamo bisa nkibi. Nyamara kuberako tubiretse tubonako hazavamo igihombo.  Ibi twatanga urugero nkiyo kugirango ubone inyungu yagutse mubucuruzi bwawe ugomba kubeshya cyangwa kwiba, mwishuri ugomba guca muzindi nzira ngo ubone amanota menshi, mukazi kawe ugomba gufata cyangwa gutanga ruswa ngo ubone service ushaka...n'ibindi nkibi watangaho urugero. Nyamara, ibi byose tukabikora kugirango tworoshye ubuzima, ...
Post a Comment
Read more